Anastasiya Komissarova, UzGerMed Pharm şirkətinin ixrac şöbəsinin rəhbəri
Medinex sərgisi çərçivəsində Özbəkistanın milli stendində 11 şirkət təmsil olunur – 6 dərman preparatları istehsalçısı və 5 tibbi təyinatlı məhsullar istehsal edən müəssisə:Jurabek Labaratories, Dentafill Plyus, Zuma pharma, Doraline Pharma,Perfectfoodlab, Fazo-Luxe, Elastikum, Nest med tech, Soft Vitamin Business, Agro-Ziyo, Chori Plast.
Şirkətlər tərəfindən təqdim olunan bütün məhsullar tam şəkildə Özbəkistan Respublikasında istehsal olunur və tibbin müxtəlif sahələrini əhatə edir. Bunlara antibiotiklər, inyeksion preparatlar, insulin, liofilizatlar, şpris-qələmlərdə tətbiq olunan dərmanlar, həmçinin tibbi əlcəklər, şprislər, bintlər, birdəfəlik cərrahi geyimlər, vitaminlər, bioloji aktiv əlavələr (BAƏ-lər) və bir sıra digər məhsullar daxildir.
Ölkələrimiz arasında işgüzar münasibətlər sürətlə və inamla inkişaf etməkdədir. Bu sərgidə təmsil olunan şirkətlərin bir çoxu artıq Azərbaycanda müvafiq qurumlarda qeydiyyatdan keçib, Səhiyyə Nazirliyinin inspeksiyasından uğurla keçib və Azərbaycan bazarında fəaliyyət göstərir. Bu səbəbdən sərgidə iştirakımızın əsas məqsədi Azərbaycan həkimlərini və tibbi məhsul istehlakçılarını Özbəkistanda istehsal olunan yüksək keyfiyyətli dərman preparatları və tibbi texnologiyalar barədə məlumatlandırmaqdır. Əsas və son məqsəd isə, şübhəsiz, əməkdaşlığın genişləndirilməsi və Azərbaycana ixrac olunan özbək məhsullarının həcminin artırılmasıdır.
Sərgi ilə bağlı gözləntilərimiz tam şəkildə özünü doğrultdu. Uğurlu nəticələr arasında mövcud tərəfdaşlarla görüşlər, qarşılıqlı faydalı yeni əlaqələrin qurulması və sahə üzrə mütəxəssislərlə daha sıx təmasların yaradılması yer alır. Bu kimi tədbirlərdə iştirak bizim üçün böyük əhəmiyyət daşıyır. Sərgi biznesin inkişafına son dərəcə müsbət təsir göstərir, istehsalçılar və istehlakçılar arasında birbaşa əlaqə yaradır. Medinex sərgisinin geniş biznes proqramı və burada təşkil olunan B2B görüşlər şirkətimiz və məhsullarımız haqqında çox əlverişli təəssürat formalaşdırır.
AZ
EN
RU
ZH
