Hörmətli sərgi iştirakçıları!
Sizləri Azərbaycan Beynəlxalq Kənd Təsərrüfatı və Azərbaycan Beynəlxalq Qida Sənayesi Sərgisində salamlamaqdan məmnunluq hissi keçirirəm.
Sizləri Azərbaycan Beynəlxalq Kənd Təsərrüfatı və Azərbaycan Beynəlxalq Qida Sənayesi Sərgisində salamlamaqdan məmnunluq hissi keçirirəm.
Sayca 17-ci və 29-cu olan bu sərgilər çox əlamətdar ilə təsadüf edir. Bu il ölkəmiz BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası - COP29 tədbirinə ev sahibliyi edəcək. Azərbaycan Respublikasının Prezidenti cənab İlham Əliyev tərəfindən 2024-cü il “Yaşıl dünya naminə həmrəylik” ili elan olunub və bu il keçirilən sərgimizdə ətraf mühitin qorunması, yaşıl enerji, resurslardan səmərəli istifadə və orqanik istehsal prinsiplərinə əsaslanan müasir kənd təsərrüfatı istehsal vasitələrinin nümayişinə daha çox yer ayrılıb.
Ölkəmizdə həyata keçirilən aqrar islahatlar kənd təsərrüfatının inkişafını gücləndirir və bu məqsədlə dövlət tərəfindən əhəmiyyətli dəstək tədbirləri həyata keçirilir. Həmçinin fermerlərin kənd təsərrüfatı alətlərinə əlçatanlığı təmin edilir, o cümlədən aqrar sığortanın tətbiq dairəsi genişləndirilir.
Kənd təsərrüfatının intensiv inkişafı həm də aqrar sektorda innovasiyaların tətbiqindən birbaşa asılıdır. Xüsusilə aqrar sektorun əsas hərəkətverici qüvvəsi olan fermerlərimizin innovativ kənd təsərrüfatı avadanlıqları, dəqiq əkinçilik sistemləri, yeni istehsal vasitələri, enerji və resursqoruyucu texnologiyalar barədə məlumatlı olması mühüm əhəmiyyət kəsb edir. Bu baxımdan regionun kənd təsərrüfatı sahəsində ən böyük beynəlxalq sərgisi hesab edilən “Caspian Agro” hər il olduğu kimi bu il də aqrar sahədə çalışanlara yeni texnika, texnologiyalar və sistemlər ilə tanış olmaq imkanı yaradır. Bu sərgi həm də aqrar sahədə çalışan mütəxəssis və sahibkarlar, o cümlədən xaricdən gələn nümayəndələr arasında qarşılıqlı fikir mübadiləsi aparmaq, əməkdaşlıq əlaqələri qurmaq üçün mühüm platforma rolunu oynayır. Kənd təsərrüfatının inkişaf etdirilməsi artıq yalnız texnika və texnologiyaların tətbiqi ilə deyil, həmçinin iqlim dəyişikliklərinin yan təsirlərinə qarşı önləyici tədbirlərin görülməsi ilə mümkündür.
Kənd Təsərrüfatı Nazirliyi olaraq iqlim dəyişkliyinin təsirlərini minimuma endirmək və fəaliyyətin təşkilində iqlim risklərinin qiymətləndirilməsi istiqamətində təşəbbüslər irəli sürülür. İnanıram ki, sərgi zamanı bu istiqamətdə təşkil olunacaq müzakirələr kənd təsərrüfatının dayanıqlı inkişafına zəmin yaradacaqdır.
Ölkəmizdə bütün sahələrdə innovasiyaların tətbiqi, innovativ texnikalardan geniş istifadə dövlət səviyyəsində dəstəklənir, müasir həllərin tətbiqi ilə bağlı mühüm tədbirlər həyata keçirilir. Əminəm ki, fermerlərimizsərginin yaratdığı bu imkanlardan geniş yararlanaraq innovativ kənd təsərrüfatı texnikalarından, müasir suvarma sistemləri, dəqiq kənd təsərrüfatı həlləri və düzgün aqrotexniki qulluq vasitələrindən geniş istifadə etməklə Azərbaycanda aqrar sahənin davamlı inkişafına öz töfhəsini vermiş olacaq. Sərgilərin bütün iştirakçılarını bir daha salamlayır, aqrar sahənin daha da inkişafı naminə bu tədbirlərin yaratdığı imkanlardan maksimum istifadə etməyə çağırıram.
Hörmətlə,
Azərbaycan Respublikasının Kənd Təsərrüfatı naziri Məcnun Məmmədov
Ölkəmizdə həyata keçirilən aqrar islahatlar kənd təsərrüfatının inkişafını gücləndirir və bu məqsədlə dövlət tərəfindən əhəmiyyətli dəstək tədbirləri həyata keçirilir. Həmçinin fermerlərin kənd təsərrüfatı alətlərinə əlçatanlığı təmin edilir, o cümlədən aqrar sığortanın tətbiq dairəsi genişləndirilir.
Kənd təsərrüfatının intensiv inkişafı həm də aqrar sektorda innovasiyaların tətbiqindən birbaşa asılıdır. Xüsusilə aqrar sektorun əsas hərəkətverici qüvvəsi olan fermerlərimizin innovativ kənd təsərrüfatı avadanlıqları, dəqiq əkinçilik sistemləri, yeni istehsal vasitələri, enerji və resursqoruyucu texnologiyalar barədə məlumatlı olması mühüm əhəmiyyət kəsb edir. Bu baxımdan regionun kənd təsərrüfatı sahəsində ən böyük beynəlxalq sərgisi hesab edilən “Caspian Agro” hər il olduğu kimi bu il də aqrar sahədə çalışanlara yeni texnika, texnologiyalar və sistemlər ilə tanış olmaq imkanı yaradır. Bu sərgi həm də aqrar sahədə çalışan mütəxəssis və sahibkarlar, o cümlədən xaricdən gələn nümayəndələr arasında qarşılıqlı fikir mübadiləsi aparmaq, əməkdaşlıq əlaqələri qurmaq üçün mühüm platforma rolunu oynayır. Kənd təsərrüfatının inkişaf etdirilməsi artıq yalnız texnika və texnologiyaların tətbiqi ilə deyil, həmçinin iqlim dəyişikliklərinin yan təsirlərinə qarşı önləyici tədbirlərin görülməsi ilə mümkündür.
Kənd Təsərrüfatı Nazirliyi olaraq iqlim dəyişkliyinin təsirlərini minimuma endirmək və fəaliyyətin təşkilində iqlim risklərinin qiymətləndirilməsi istiqamətində təşəbbüslər irəli sürülür. İnanıram ki, sərgi zamanı bu istiqamətdə təşkil olunacaq müzakirələr kənd təsərrüfatının dayanıqlı inkişafına zəmin yaradacaqdır.
Ölkəmizdə bütün sahələrdə innovasiyaların tətbiqi, innovativ texnikalardan geniş istifadə dövlət səviyyəsində dəstəklənir, müasir həllərin tətbiqi ilə bağlı mühüm tədbirlər həyata keçirilir. Əminəm ki, fermerlərimizsərginin yaratdığı bu imkanlardan geniş yararlanaraq innovativ kənd təsərrüfatı texnikalarından, müasir suvarma sistemləri, dəqiq kənd təsərrüfatı həlləri və düzgün aqrotexniki qulluq vasitələrindən geniş istifadə etməklə Azərbaycanda aqrar sahənin davamlı inkişafına öz töfhəsini vermiş olacaq. Sərgilərin bütün iştirakçılarını bir daha salamlayır, aqrar sahənin daha da inkişafı naminə bu tədbirlərin yaratdığı imkanlardan maksimum istifadə etməyə çağırıram.
Hörmətlə,
Azərbaycan Respublikasının Kənd Təsərrüfatı naziri Məcnun Məmmədov