Hassan Tahsin Sevinç, MARS AGRO PLANT-ın baş meneceri
2003-cü ildə qurulan türk şirkəti Mars Agro Plant, ən yüksək keyfiyyətli meyvə ağacı tinglərinin satışında ixtisaslaşmışdır. Bağların yaradılmasına kömək etməkdən tutmuş kənd təsərrüfatı istehsalının layihə rəhbərliyi ilə bağlı məsləhət verməyə qədər geniş xidmətlər təqdim edirik.
Mars Agro Plant şirkəti Azərbaycan bazarına 2017-ci ildə daxil olub. Şamaxı bölgəsində iki İspaniya, bir İsrail və bir Amerika şirkəti, eləcə də yerli sahibkarlarla əməkdaşlıq şəraitində meyvə ağacları tinglərinin yetişdirildiyi bağlar salınıb. Biz müxtəlif növ zeytun, badam, şaftalı, armud və albalı yetişdirilməsində də iştirak edirik.
Artıq dörd ildir ki, şirkətimiz Caspian Agro beynəlxalq sərgisində iştirak edir. Bunun sayəsində biz bu tədbirin iştirakçılarına, qonaqlarına və iştirakçılarına il ərzində görülən işlərin nəticələrini nümayiş etdirə bilirik.
Mars AgroPlant daim Azərbaycan bazarının ehtiyac duyduğu yenilikləri axtarır. Məsələn, biz ölkəyə yeni üzüm, çiyələk, nektarin, şaftalı və ərik sortları gətirmişik. Həm də yerli ting istehsalını artırmağı və xaricə ixrac etməyə başlamağı planlaşdırırıq.
Caspian Agro təşkilatının yüksək səviyyəsini qeyd etmək istərdim. Bu il sərgi miqyası, çox sayda iştirakçının olması və kənd təsərrüfatı texnikasının bolluğu ilə bütün gözləntilərimizi aşdı. Ümid edirik ki, gələn il təşkilatçılar sərgi günlərini artıracaqlar.
AZ
EN
RU
